Second Epistle of John

The Second Epistle of John is the 63rd book of the Protestant Bible.

This page shows a translation from Greek undertaken with the help of an interlinear text by Jack Bradley in 2020.

yo'aneS nav QIn cha'DIch

'ay' wa'

1be'vaD, puqpu'DajvaD nav QInvam vIqon. qup jIH 'ej joH'e', be' wIvlu'ta'bogh ghaH. vImuSHa'bej. muSHa' je vIt muSHa'bogh Hoch. 2nuDab vIt 'ej reH mutlhej vIt. 3'oHmo' maHvaD boQ, pung, roj je nob joH'a', vav'a', mamuSHa'taHvIS 'ej mavIttaHvIS. Dochmeyvam nob je yeSu'a QIStoS, vav'a' puqloD. 4vItDaq yItmo' puqpu'lI'. muQuchmoH ngoDvam, vItDaq mayIt 'e' ra'mo' vav'a'. 5'ej DaH be' vIQejbogh, SoHvaD rIchwIn chu' vIja'be'. bI'reS rIchwInvam rap DaQoypu': mamuSHa'chuqjaj. 6'ej muSHa'meH mIwna' 'oH mIwvam'e': joH'a' chut tIlobtaH. taghDI' Hoch, rIchwInvam DaQoypu'; 'oH DapabtaHvIS, yIvang. 7qo'Daq law' yuqwI'pu' 'ej porghna'Daq narghta' yeSu'a QIStoS 'e' lutem chaH. nepwI', QIStoS ghol je chaH nuvpu'vetlh'e'. 8ta'meylIj DaweSbe'meH 'ej poplIj DaHevmeH yIyep'eghmoHtaH. 9joH'a' Hutlh QIStoS paQDI'norgh qImtaHbe'bogh DuvwI''e'; vav'a', puqloD'a' je tlhejtaH paQDI'norgh qImtaHwI'. 10pawchugh paQDI'norghvam pabbe'bogh vay'e', juHlIjDaq yIma'Qo' 'ej yIvanQo'. 11vay'vetlh vanlu'chugh, vaj jeSlu' ta'meyDaj mIgh turtaHvIS vay'vetlh. 12SoHvaD Dochmey law' vIja' vIneH 'a nav, rItlh je vIlo' vIneHbe'. 'a qaSuch 'ej qaQuchmoHchu'meH SoHvaD jIjatlh 'e' vItul. 13be'nI'lI' puqpu' tIvan, be' wIvta'bogh joH'a'.

Category: (none)    Latest edit: 27 Dec 2020, by DeSDu96    Created: 27 Dec 2020 by DeSDu96
 
The Klingon Language Wiki is a private fan project to promote the Klingon language. See Copyright notice for details.