Third Epistle of John

The Third Epistle of John is the 64th book of the Protestant Bible.

This page shows a translation from Greek undertaken with the help of an interlinear text by Jack Bradley in 2020.

yo'aneS nav QIn wejDIch

'ay' wa'

1gha'yuSvaD nav QInvam vIngeH. jupwI' ghaH 'ej ghaH vISaHqu'bej. 2jupwI', bIchepchu'jaj 'ej bIpIvqu'jaj; chepbogh qa'lIj tlhIn Darurjaj. 3vIt DapabtaH 'ej 'oHDaq bIyIttaH 'e' nguH HarwI'pu'DI' jIQuchqu'. 4vItDaq yIttaH puqpu'wI' 'e' vIghojDI', jIQuchqu'choHchu'. 5bImatlh vInDa'pu' Datoy'; bImatlhqu' novpu' chaHDI' vInDa'pu''e' Datoy'bogh. 6bImuSHa'qu' HarwI'pu'vaD 'e' lunguH chaH. tlheDDI' chaH, tIlengrupqu'moH 'ej joH'a' yIquvmoH. 7pong'a'mo' tlheD chaH 'ej chaH boQbe'chu' Harbe'wI'. 8vaj nItebHa' vItvaD mavummeH vInDa'pu'vam rurbogh ghotpu' DIma'nIS. 9chIrghDaq QIn vIngeHta' 'ach nulajQo' DIyotlhey'veS (chIrgh Dev 'e' tIv ghaH.) 10vaj jIpawDI', ghaHvaD ta'meyDaj qawmoH: maH bopbogh Dap jatlhtaH. 'a yonbe' nunaDHa'DI' neH. latlh vInDa'pu' lajQo' 'ej chIrghvo' vInDa'pu' lajqangwI'pu' vuj. 11jupwI', QaQwI' yIDa; mIghwI' qa'. quvwI' ngeHta' joH'a'; joH'a' leghbe' quvHa'wI'. 12Deme'tlhoS naD Hoch. vabDot naD vIt'e'. wInaD je. 'ej teH 'e' DaSov SoH. 13De' law' qaja' vIneH 'a Dochmeyvam qaja'meH ghItlhwI', rItlh je vIlo' vIneHbe'. 14'a tugh qaleghqa' 'e' vItul. ngugh maja'chuq. roj DaSIQjaj. naDev nIvan juppu'. pa' ngIq jup yIvan, pongchaj Dalo'taHvIS.